Tuesday 14.09. facebook.com
10:00 - 19:00

Artótek | Naglinn: Dans á rósum

Borgarbókasafnið Sólheimum
  • English below

Listaverkið „Dans á rósum“ eftir Louise St. Djermoun verður til sýnis á Naglanum í Borgarbókasafninu Sólheimum í september og október. Verkið er fengið að láni úr Artótekinu, sem er til húsa í Borgarbókasafninu Grófinni.

Naglinn er heitið á sýningaröð á Borgarbókasafninu Sólheimum og er þetta 6. sýningin í röðinni. Hver sýning samanstendur af einu listaverki. Áhugasamir geta keypt verkið eða leigt það á kaupleigu en þá eignast viðkomandi verkið þegar það hefur verið greitt upp. Sé sýningarverkið keypt (eða leigt) má kaupandinn velja, úr Artótekinu, hvaða verk verður næst til sýnis á Naglanum.

Louisa skilgreinir sig sem afstæðu-náttúrumyndlistamann. Hún fædd og uppalin í Skerjafirðinum en hefur búið í Frakklandi sl. 20 ár. Hún hefur þróað sérstaka tækni þar sem hún notar ljósmyndalinsu, hennar þriðja auga, til þess að fanga augnablik í náttúrunni sem eru síðan unnin á stafrænu formi áður en þau eru máluð á strigann. „Allt frá því að ég var lítil stelpa í Skerjarfirðinum hefur efnisáferð náttúrunnar átt hug minn allan: fjaran, sjórinn og grófu stráin. Myndirnar mínar eru þrívíðar þar sem ég nota mikið af upphleyptri textílmálningu til þess að fá þá áferð sem ég sækist eftir. Náttúran í návígi.“

María Þórðardóttir, staðgengill deildarstjóra í Sólheimum, valdi verkið að þessu sinni. „Ég valdi La vie en rose því ég heillast af tækninni sem Louise notar þar sem hún vinnur með samhverfur og blandaða tækni ljósmyndunar og málningar á striga. Mér finnst myndin kraftmikil og litirnir í henni fallegir.“

Verkið er hægt að leigja á 7.000 kr. á mánuði eða kaupa á 230.000 kr.

Nánari upplýsingar um Artótekið, listamanninn og verkið á https://artotek.is

  • - - English - - -

Sólheimar Culture House will be showcasing the painting “Dans á rósum” by Louise St. Djermoun in September and October. The painting is provided by the Artótek, which is situated in Grófin Culture House.

The Nail is an art exhibition at Sólheimar where one art-piece will be showcased at any given time. This is the 6th exhibition in the series. The art can be bought or rented-to-own where one becomes its owner when the rent has reached the sales price. The buyer (or rentee) of the exhibited art can choose the next one, from the Artótek, to be showcased on the Nail.

Louise St. Djermoun is an Abstract-nature painter. She was born in Reykjavík but she has lived in France for the past 20 years. She has a special technique which she applies to her paintings which includes using her third eye, a photo lens. She says that ever since she was a child in Skerjafjörðurinn, she has been fascinated by nature: the beach, the sea and the rough straws.

María Þórðardóttir, a bookkeeper at Sólheimar, chose the painting for this exhibition. She is fascinated by Louise’s technique and how she works with symmetry. “The painting is powerful and it’s colours beautiful”.

The painting can be rented for 7.000 kr. a month or bought for 230.000 kr.

Further information on the Artótek, the artist and painting on https://artotek.is


Nánari upplýsingar veitir / Further information:
magnus.orn.thorlacius@reykjavik.is | 4116160
Borgarbókasafnið Sólheimum, Sólheimar 27

Weitere Termine
Organisers
Menningarkort
Menningarkort Reykjavíkur er árskort sem veitir ótakmarkaðan aðgang að söfnum í eigu Reykjavíkurborgar auk margvíslegra fríðinda og sérkjara.